Shumë njerëz në botë shprehen se nuk mund të funksionojnë nëse nuk pijnë në mëngjes një filxhan kafe.
Por e njëjta gjë ndodh edhe me këtë makinë që do të shikoni në videon e mëposhtme. Ajo funksionon vetëm me kafe.
Është një makinë e tipit Ford që në vend të benzinës përdor… kafe!
Britaniku 42-vjeçar Martin Bacon i ndryshoi sistemin makinës së tij.
Kështu, në vend të karburantit, ajo vihet në lëvizje nëpërmjet kokrrave
të kafesë, të cilat përpunohen nga një sistem i veçantë. Lënda djegëze
prodhon monoksid karboni dhe hidrogjen, me ndihmën e motorit bën që
makina të lëvizë.
Sigurisht që nuk është kaq e lehtë. Nuk mjafton thjesht të lëvizë çelësi
që makina të ndizet, por duhet që të ngrohet edhe motori, si dhe të
jenë kushtet e përshtatshme. Gjithsesi, Martin arriti ta lëvizë makinën
duke përdorur kokrrat e kafesë në vend të benzinës. Kështu, ai shënoi
rekord botëror në kategorinë e makinave që lëvizin me biokarbure.
Pra, ndodh eshte kështu, që kafeja të vëjë në lëvizje jo vetëm njerëzit,
por edhe makinat! Për më shumë, shikoni videon e mëposhtme. /alb-observer.com/