Reumatizmi është shkaku i dytë, pas sëmundjeve të qarkullimit të gjakut,
që shkakton më tepër paaftësi për punë. Më tepër se 50 për qind e
njerëzve mbi 65 vjeç vuajnë nga kjo sëmundje, ndërsa kjo përqindje është
më e lartë te gjinia femërore, njofton “Zëri”.
Të gjitha format e sëmundjeve reumatike, duke filluar që nga artrozat e
deri tek osteoporoza, nga dhimbjet e belit e deri tek artriti reumatoid,
janë të rënda për t’u trajtuar nëse zbulohen me një vonesë të madhe.
Prandaj, është mjaft e rëndësishme të kapen me kohë dhe t’iu kushtohet
rëndësi shenjave të para. Diagnostikimi mund të bëhet me mjaft sukses,
meqë simptomat e para të kësaj sëmundjeje hetohen lehtë.
Në vazhdim do të paraqesim disa këshilla të dobishme se si ta shërojmë
reumatizmin:
- Bëni dy herë në javë ushtime gjimnastikore.
- Merrni herë pas here (një herë në dy ose tre muaj) tableta
multivitaminë.
- Jetoni në ambiente që nuk janë të ftohta.
- Bëni plazh çdo vit dhe e rëndësishme është që të shtriheni në rërën e
mëngjesit dhe pasdites.
- Pini sa më shumë çarja me bimë të gjelbra.
- Përdorni ujë mineral.
- Hani sa më shumë fruta më vitaminë C dhe A.
- Sa herë që ndjeheni të lodhur përdorni paracetamol, ose medikamente të
tjera me përmbajtje paracetamoli.
Merruni me sport
Specialistët këshillojnë që duke u marrë me sport të paktën dy herë në
javë, i bën mirë kockave, jo vetëm duke i forcuar ato, por edhe duke
ndihmuar procesin e kalcifikimit, mjaft i domosdoshëm për njeriun.
Madje kjo është një ndër mënyrat kryesore për të mbajtur sa më larg
vetes reumatizmin. Jo pak, por tridhjetë ditë në vit, mjekët
rekomandojnë plazh, për të gjithë personat që kanë probleme me
reumatizmin. Sipas tyre, është shumë e rëndësishme, pra që ata të
shtrihen në rërën e plazhit në mëngjes dhe në darkë. Ndërkohë që
përdorimi pra edhe i bimëve të gjelbra është shumë i këshillueshëm. Ato
duhet të zihen për rreth 20 minuta dhe më pas do të pihen për të
lehtësuar dhimbjet reumatizmale.