Gjatë seancës 24-vjeçari Ismail Xhindi është shprehur: “Nuk kam patur dijeni që e fejuara po i vidhte lekë të atit, unë vetë kam qenë në shtëpinë e vjehrrit vetëm ditën që u fejova, edhe nëse e fejuara mund të ketë marrë lekë, ato kanë qenë në shuma tepër të vogla nga sa pretendohet”.
Dje, informon alb-observer.com gjykata e Durrësit dha masën “arrest me burg” edhe për Fatma Buziun, e cila në sallën e gjyqit u shpreh se është penduar për veprimin e saj.
Arrestimi i 18-vjeçares, është bërë nga efektivat e policisë më 3 janar pasi vërtetuan, se në periudhën korrik-dhjetor të vitit që lamë pas, në një kasafortë në banesën e të atit të saj Shkëlqim Buziu, ka vjedhur një shumë të konsiderueshme parash.
Në momentin e arrestimit, policia bën të ditur se në cilësinë e provës materiale 18-vjeçares i është bllokuar shuma prej 600 mijë lekësh të reja.