Reperi amerikan, Lil Wayne, është në gjendje kritike për jetën pas
kolapseve të shumta të pësuara ditëve të fundit për shkak të konsumimit
të pakontrolluar të substancave narkotike.
Reperi i njohur si Weezy të martën mbrëma ishte dërguar në spital për shkak se pësoi kolaps.
Gjendja
e Lil Wayne nuk është e qëndrueshme. Ai është në koma dhe ai është duke
marrë frymë në mënyrë artificiale. Burimet e TMZ thonë se familjarët,
miqtë dhe shumë kolegë reperë të ‘labelit’ YoungMoney janë pranë tij të
përlotur, pasi besohet se orët e ardhshme të tij mund të jenë të fundit.
Në orët e fundit raportohet se edhe nëna e reperit ka fluturuar
drejt Los Angelesit për të vizituar të birin e saj, që është ndoshta në
orët e fundit të jetës. Ajo nuk ka lejuar që merren vendime tjera të
mjekëve për gjendjen e tij pa qenë personalisht prezente.
Kolapset
e njëpasnjëshme të Lil Wayne kanë ardhur për shkak të konsumimit të
tepruar të substancave narkotike, aq shumë sa që edhe pas tri tentimeve
për të larguar nga stomaku me ‘pumpim’ këto substanca, gjendja e tij nuk
është përmirësuar.
Mbetet të shihet në orët në vazhdim se çfarë
do të ndodhë me reperin e njohur për hitet “Mirror”, “She Will”, “Blunt
Blowin” dhe shumë të tjera.
(Telegrafi/BalkanWeb)