Anaidi kur u zgjua në mëngjes diskutoi me banorët që ai ka më afër
për mënyrën se si do të sillej sot me banorët e tjerë. Ndër të tjera ai
foli me Marselinin se do të ngacmonte Ilirin dhe do të debatonte me të.
Marselini i tha që nëse do të niste një debat me banorët ta përfshinte
edhe atë. Sapo Anaidi filloi të ngacmonte banorët, kryesisht Ilirin me
ironitë e veta, Marselini përfshihet në debat me Shpendin duke u munduar
që t’i dalë në krah Anaidit.
Kështu iniciatori i debateve të stërzgjatura mes Marselinit, Shpendit
dhe Eldorët ishte Anaidi, por ndodh që ai vetë i kundërvihet Marselinit
dhe debaton me të deri në ofendime në sy të banorëve të tjerë të
shtëpisë.
Gjatë kohës që Anaidi e mbron tek Eldora Marselinin, në dhomë Vjen
Marselini dhe fillon që të shfajësohet përpara Eldorës për fjalët që ka
thënë. Anaidi në këtë moment i kundërvihet dhe fillon që t’i thotë se ai
nuk është “burrë” sepse nuk i pranon fjalët që thotë. Anaidi i thotë se
ai dhe Elena e kanë dëgjuar që ai të komentojë marrëdhënien e Eldorës
me Shpendin, por Marselini e mohon dhe debaton me ta.
Pas disa minutave debat Eldora i thotë Marselinit se për të kjo është
një çështje e mbyllur dhe i kërkon që të mos e komentojë më tej me
askënd. Marselini del nga dhoma dhe pas tij edhe Anaidi. Të dy
shkëmbejnë ofendime në adresë të njëri-tjetrit. Anaidi e ofendon duke i
përsëritur shprehjet që i ka thënë në debatet e mëparshme me të dhe e
quan “femër”. Banorët e tjerë që janë të pranishëm jashtë qeshin me
shprehjet e Anaidit i cili u duk se Marselinin e kishte në një farë
mënyrë krah të vetin, por sot debatoi ashpër me të duke e nxjerrë keq
përpara banorëve të tjerë, me të cilët Marselini ka debatuar gjithmonë.
(gazeta-Shqip.com)