Muharrem Hoçja, jë biznesmen nga qyteti i Krujës dhe ish-nënkryetar i
Këshillit Bashkiak të qytetit, është masakruar me shkop bejzbolli nga
fqinji i tij. Sipas burimeve zyrtare, 50 vjecari është përballur në
shkallët e pallatit ku jetonte me 26 vjecarin Alfred Tuci me të cilin
kanë pasur një konflikt të hershëm për një borxh prej 15 mijë eurosh që i
riu i kishte biznesmenit. Biznesmeni i kishte kërkuar disa herë Tucit
që t’i shlyente borxhin, ndaj sapo janë gjendur përballë njëri-tjetrit,
ata janë konfliktuar ashpër. 50-vjeçari i ka thënë fqinjit të tij që të
mos i dilte më para syve pa i dhënë paratë. Ndërsa, 26-vjeçari i është
përgjigjur se borxhin do t’ia shlyente, por për momentin nuk kishte
para.
Pas debateve të para ka nisur një sherr që ka përfunduar shumë keq.
Alfred Tuci e ka goditur disa herë me shkop bejsbolli në kokë dhe në
trup biznesmenin Muharrem Hoçja, dhe më pas është larguar me shpejtësi.
50 vjecari është dërguar në koma në spitalin Ushtarak megjithëse pas disa orësh ka dalë nga gjendja e rrezikut për jetën.
Ndërkohë, është arrestuar autori i krimit ndërsa mësohet se vetëm dy
muaj më parë, u hodh në erë me tritol dyqani në pronësi të biznesmenit
të njohur krutan./alb-observer.com/